گلچین مطالب اینترنتی
منتظر نظرهای سازنده شما در مورد مطالب وبلاگم.گلچین مطالب اینترنتی
منتظر نظرهای سازنده شما در مورد مطالب وبلاگم.بهجت آباد خاطره سی
بهجت آباد خاطره سی
اولدوز سایاراق گوزله میشم هر گئجه یاری
گج گلمه ده دیر یار یئنه اولموش گئجه یاری
گؤزلر آسیلی یوخ نه قارالتی نه ده بیر سس
باتمیش گولاغیم گؤرنه دؤشور مکده دی داری
بیر قوش آییغام! سویلیه رک گاهدان اییلده ر
گاهدان اونودا یئل دئیه لای-لای هوش آپاری
یاتمیش هامی بیر آللاه اویاقدیر داها بیر من
مندن آشاغی کیمسه یوخ اوندان دا یوخاری
قورخوم بودی یار گلمه یه بیردن یاریلا صبح
باغریم یاریلار صبحوم آچیلما سنی تاری!
دان اولدوزی ایسته ر چیخا گؤز یالواری چیخما
او چیخماسادا اولدوزومون یوخدی چیخاری
برای مشاهده متن کامل بر روی " ادامه متن " کلیک کنید
بهجت آباد خاطره سی
گلمز تانیرام بختیمی ایندی آغارار صبح
قاش بیله آغاردیقجا داها باش دا آغاری
عشقین کی قراریندا وفا اولمیاجاقمیش
بیلمم کی طبیعت نیه قویموش بو قراری؟
سانکی خوروزون سون بانی خنجردی سوخولدی
سینه مده أورک وارسا کسیب قیردی داماری
ریشخندله قیرجاندی سحر سویله دی: دورما
جان قورخوسی وار عشقین اوتوزدون بو قماری
اولدوم قره گون آیریلالی او ساری تئلدن
بونجا قره گونلردی ایدن رنگیمی ساری
گؤز یاشلاری هر یئردن آخارسا منی توشلار
دریایه باخار بللی دی چایلارین آخاری
از بس منی یاپراق کیمی هیجرانلا سارالدیب
باخسان اوزونه سانکی قیزیل گولدی قیزاری
محراب شفقده ئوزومی سجده ده گؤردوم
قان ایچره غمیم یوخ اوزوم اولسون سنه ساری
عشقی واریدی شهریارین گللی- چیچکلی
افسوس قارا یل اسدی خزان اولدی بهاری
Behcət ava xatirəsi
Ulduz sayarax gözləmişəm hər gecə yari
Gec gəlmədədir yar yenə olmuş gecə yari
Gözlər asılı yox nə qaraltı nədə bir səs
Batmış qulağım gör nə duşurməkdədi dari
Bir quş “ayığam “söyləyərək gahdan iyildər
Gahdan onuda yel deyə laylay huş apari
Yatmış hamı bir allah oyaxdır daha bir mən
Məndən aşaği kimsə yox ondanda yuxari
Qorxum budi yar gəlməiyə birdən yarıla sübh
Bağrım yarılar sübhüm açılma səni tari
Dan ulduzi istər çıxa göz yalvarı çıxma
O çıxmasada ulduzumun yoxdi çixari
Gəlməz tanıram baxtımı indi ağarar sübh
Qaş boylə ağardıxca daha başda ağari
Eşqin ki qərarında vəfa olmayacağmış
Bilməm ki təbiət niyə qoymuşbu qərari
San ki xoruzun son banı xəncırdi soxuldi
Sinəmdə ürək varsa kəsib qırdi bamari
Rişxəndilə qırcandı səhər soylədi durma
Can qorxusi var eşqin utuzdun bu qumari
Oldum qara gün ayrılalı o sarı teldən
Bunca qara günlərdi edən rəngimi sari
Göz yaşları hər yerdən axarsa məni tuşlar
Dəryayə baxar bəllidi çayların axari
əz bəs məni yaprağ kimi hicranla saraldıb
baxsan üzünə san ki qızıl güldi qızari
mehrab-i şəfəqdə özümi səcdədə gördum
qan içrə qəmim yox üzüm olsa sənə sari
eşqi varıdı ŞƏHRIYARın gülli çiçəkli
əfsus qara yel əsdi xəzan oldi bahari
منبع :http://www.shahreiar.org/article-topic-5.html
